హిమాచల్ ప్రదేశ్‌లో 10 ప్రసిద్ధ పర్వత విడిది ప్రాంతాలు
వేసవిలో సూర్యుని తాపం అధికంగా ఉన్నపుడు.. శీతల వాతావరణాన్ని ఆస్వాదించడానికి బయలుదేరేందుకు అనేక మంది ఉద్యుక్తులు అవుతారు. భారతదేశంలో ఇలాంటి ప్రాంతాలు అనేకం ఉన్నాయి. మీ మునుపటి పర్యటనల సమయంలో లడఖ్ మరియు కాశ్మీర్‌లను ఇప్పటికే చూసి ఉంటే, మీరు ఇక ఎంపికలు పూర్తయిపోయాయని అనుకోవచ్చు. కానీ అది నిజం కాదు. కంటికి కనిపించని ప్రాతం ఎప్పుడూ ఏదో ఒకటి ఉంటుంది. హిమాచల్ ప్రదేశ్ తప్పనిసరిగా చూడాల్సిన ప్రదేశం. మీకు పర్యాటక ప్రదేశాలు సందర్శించే ఆసక్తి ఉంటే, హిమాచల్ ప్రదేశ్లోని హిల్ స్టేషన్లలో కొన్ని పర్వత ప్రాంతాలను చూడాలి.
ఇప్పుడు మేము మీకు చల్లని ప్రాంతాలకు పర్యటించడంపై ఒక ఆలోచన వచ్చేలా చేశాము. హిమాచల్ ప్రదేశ్‌లో ఈ హిల్ స్టేషన్లను వేసవిలో సందర్శించండి.
1. స్పితి – హిమాచల్‌లో ఉన్న హిల్ స్టేషన్లలో ఉత్తమమైనది:
దీని పేరుకు అర్ధం ‘ఒక మధ్య ప్రాంతం’. పేరుకు తగినట్లుగానే భారతదేశం మరియు టిబెట్ మధ్య స్పితి ఉంది. పురాతన మఠాలతో స్పితి ప్రతి ఫోటోగ్రాఫర్ యొక్క కలల గమ్యం. సుందరమైన గ్రామాలు, వేగంగా ప్రవహించే స్వచ్ఛమైన నీరు మరియు శక్తివంతమైన హిమాలయాలు ఒక ఆఫ్‌బీట్ సెలవు ప్రాంతానికి ఖచ్చితమైన నేపథ్యాన్ని అందిస్తాయి. మీరు సమీపంలోని పర్వతాలకు ట్రెక్కింగ్ చేయవచ్చు, శతాబ్దాల పురాతన ఆరామాలు సందర్శించండి మరియు మంచు చిరుత వంటి అంతరించిపోతున్న జాతుల నిలయం అయిన పిన్ వాలీ నేషనల్ పార్క్ సందర్శించండి.
2. డల్‌హౌసీ – భారతదేశం యొక్క చిన్న స్విట్జర్లాండ్:
బ్రిటీష్ సామ్రాజ్యం యొక్క అవశేషాలు డల్‌హౌసీ యొక్క ప్రధాన ఆకర్షణలలో ఒకటి. విక్టోరియన్ శకం ఇళ్ళు, ఉత్కంఠభరితమైన దృశ్యం, సహజ నీటి బుగ్గలు.. డల్‌హౌసీకి చాలా మంది ప్రజలను ఆకర్షిస్తున్నాయి. మీరు సాహసాలను కోరుకుంటే డల్‌హౌసీలో.. అద్భుతమైన ట్రెక్కింగ్ ట్రైల్స్ ఉన్నాయి.
3. కసౌలి – హాయిని గొలిపే చిన్ని కొండ ప్రాంతం:
పట్టణాల హడావిడి జీవితం నుంచి తప్పించుకునేందుకు మంచి స్థలం కోసం వెతుకుతున్నారా? హిమాచల్‌లో ఉన్న ఈ కంటోన్‌మెంట్ హిల్ స్టేషన్.. షిమ్లా సమీపంలో ఉంది. కసౌలి నగరం మీకు అవసరమైన విరామం ఇస్తుంది. కసౌలి చుట్టూ ఆపిల్ తోటలు, పచ్చని లోయలు, మరియు వాస్తు శిల్పాలు ఉన్నాయి. ఇవన్నీ పరిపూర్ణ వాతావరణం సృష్టిస్తాయి. ‘మంకీ పాయింట్’కి వెళ్లడం ద్వారా లోయ యొక్క అనుభూతులను పొందండి. మాల్ రోడ్ వద్ద చక్కని మోమోస్ రుచులను ఆస్వాదించండి.
4. ధర్మశాల – దలైలామా ఇల్లు:
ధర్మశాలలో విచిత్రమైన ఏదో శక్తి ఉంది. హిమాలయాలు మరియు దేవదారు అడవులతో నిండిన ధర్మశాల.. హిమాచల్ ప్రదేశ్‌లో మీరు తప్పక సందర్శించవలసిన ప్రదేశం. ఈ కుగ్రామం ప్రతి ట్రక్కర్ స్వర్గం. మీరు మీ బడ్జెట్ స్థాయిని అనుసరించి ధర్మశాల ప్రశాంతతను ఆస్వాదించవచ్చు.
5. కుఫ్రి – మంచుతో కప్పబడిన అందం:
హిమాచల్ ప్రదేశ్లోని షిమ్లా నుంచి కుఫ్రి 20 కి. మీ. దూరంలో ఉంటుంది. ఆహ్లాదకరమైన వాతావరణం ఈ ప్రదేశం సొంతం. ప్రత్యేకంగా వేసవిలో ఇక్కడ విరామం అద్భుతంగా ఉంటుంది. హిమాచల్ ప్రదేశ్‌కు చెందిన పురాతన స్కీయింగ్ వంతెలలో కుఫ్రి ఒకటి. ఫిబ్రవరిలో జరిగే వార్షిక శీతాకాలపు క్రీడా ఉత్సవానికి వేదిక. మీరు టొబాగ్యానింగ్ లేదా గో-కార్టింగ్ వంటి ఔత్సాహిక కార్యకలాపాలలో పాల్గొనవచ్చు. కుఫ్రి జంతుప్రదర్శనశాలకు లేదా సరదాగా వినోద పార్కుకు వెళ్లండి.
6. చైల్ – ప్రపంచంలో ఎత్తైన ప్రాంతంలో క్రికెట్ మైదానానికి వేదిక:
72 ఎకరాల విస్తీర్ణంలో ఉన్న చైల్.. ఒకప్పుడు రాజ్యాధిపతుల రాజ్యానికి వేసవి రాజధానిగా ఉండేది. మంచుతో కప్పబడిన శిఖరాల నేపథ్యంలో సట్లెజ్ లోయను చూస్తూ.. పైన్ మరియు దేవదారు చెట్ల అందాలను ఆస్వాదించవచ్చు. ఇక్కడి పర్వతారోహణ ద్వారా పట్టణాల గందరగోళం నుంచి దూరం కావచ్చు. చైల్ వన్యప్రాణుల అభయారణ్యం అన్వేషించండి. కొండ పైన ఉన్న కాళికా తిబ్బా ఆలయాన్ని సందర్శించండి.
7. కులు – ప్రకృతి ప్రేమికుల స్వర్గం:
మీరు హిమాచల్ ప్రదేశ్లోని ఎన్ని హిల్ స్టేషన్స్‌ను సందర్శించినా ‘దేవతల లోయ’గా గుర్తింపు పొందిన కులు కు వెళ్లాల్సిందే. బియాస్ నది ఒడ్డున 1230 మీటర్ల ఎత్తులో ఉన్న ఈ ప్రాంతంలో ఒక రొమాంటిక్ హనీమూన్‌ను, ఒక ఉత్సాహం తెప్పించే యాత్ర చేయవచ్చు. పారాగ్లైడ్ చేయవచ్చు. పర్వతాల మంచు వాలుపై వైట్ వాటర్ రాఫ్టింగ్ లేదా స్కీయింగ్ చేయవచ్చు. మీరు కొన్ని వన్యప్రాణులను చూసేందుకు హిమాలయన్ నేషనల్ పార్కును అన్వేషించే అవకాశాన్ని కూడా ఉంది. కొంత ఆధ్యాత్మికతను అనుభవించాలని కోరుకుంటే మీరు కెహర్గంగా హాట్ స్ప్రింగ్స్, బిజ్లి మహాదేవ్ టెంపుల్, రఘునాథ్ టెంపుల్ వంటి అనేక ఆధ్యాత్మిక ప్రదేశాలను సందర్శించవచ్చు.
8. సిమ్లా – కొండల రాణి:
హిమాచల్ ప్రదేశానికి హిల్ స్టేషన్ల జాబితాలో సిమ్లా చెప్పకపోతే, ఏదో పెద్ద తప్పు చేసేసినట్లే. బ్రిటిషర్లకు వేసవి రాజధాని అయిన సిమ్లా.. వారి అభిమాన హిల్ స్టేషన్లలో ఒకటి. చుట్టుపక్కల కొండలు, శిఖరాల పైకి ట్రెక్కింగ్, ఫిషింగ్, నీటి కార్యకలాపాలకు నదులు, చంద్విక్ జలపాతం ఉంటాయి. మీరు హిమాచల్ ప్రదేశ్‌లో ఉన్న పర్వత ప్రాంతాల రాణిగా గుర్తింపు పొందిన ప్రాంతంలో ఒకసారి విడిది చేయాల్సిందే.
9. సోలన్ – భారతదేశ పుట్టగొడుగుల రాజధాని:
పలు క్రీడలు లేదా ట్రెక్కింగ్‌కు ఒక నిశ్శబ్ద సమయం కావాలా? సోలన్ మీ కోసమే. హిమాచల్ ప్రదేశ్‌లో ఉన్న ఈ పురాతన మరియు ఆకర్షణీయమైన హిల్ స్టేషన్.. మాతిల్-కరోల్ శిఖరాల మధ్య ఉంది. టొలోటోస్ మరియు పుట్టగొడుగుల భారీ పెరుగుదల కారణంగా సోలన్‌ను ‘రెడ్ గోల్డ్ నగరం’ అని.. ‘భారత పుట్టగొడుగుల రాజధాని’ అని కూడా పిలుస్తారు. ఈ అందమైన హిల్ స్టేషన్‌లో ఎత్తైన పర్వతాల పైకి ట్రెక్కింగ్ వద్దని భావిస్తే.. మీకు నిశ్శబ్దమైన రోజును పరిపూర్ణ వాతావరణాన్ని అందించేందుకు పలు ప్రవాహాలు మరియు నదులు ఉన్నాయి. మీరు మొహన్ మీకిన్ యొక్క బ్రూవరీని చూడడం ద్వారా.. 1855 లో స్థాపించబడిన ఆసియాలోని మొట్టమొదటి బీరు తయారీ కేంద్రం గురించి తెలుసుకోవచ్చు.
10. కిన్నౌర్ – దేవుని భూమి:
నదులు, పర్వతాలు, ద్రాక్ష తోటలు, పచ్చదనం, ప్రశాంతత … మీరు కిన్నౌర్ వద్ద విరామం తీసుకుంటున్నప్పుడు పలకరించే విషయాలు. మేఘాల మధ్యకు చేరాలని కోరుకుంటే కిన్నౌర్ లోయలు గొప్ప ప్రదేశం. కిన్నౌర్ వద్ద ట్రెక్కింగ్ చేయవచ్చు. ఇది శివుడి నివాసంగా చెప్పబడుతుంది. అనేక ఆలయాలు మరియు గోంపా కూడా మీరు అన్వేషించవచ్చు. ఈ ప్రాంతం యొక్క వన్యప్రాణిలో భాగం అయేందుకు.. రాక్‌చంఛిత్కుల్ వన్యప్రాణుల అభయారణ్యానికి ఒక రోజు పర్యటన చేయండి.
మీ హైకింగ్ బూట్స్, జాకెట్లు మరియు దుప్పట్లను ప్యాక్ చేయండి. హిమాచల్ ప్రదేశ్లోని హిల్ స్టేషన్లు మీ కోసం వేచి చూస్తున్నాయి! థామస్ కుక్ యొక్క హిమాచల్ ప్రదేశ్ ఉత్తమ సెలవు ప్యాకేజీలను చూడండి.
