ఎత్తైన శిఖరాలు, అత్యుత్తమ ట్రెక్కింగ్ ప్రదేశాలు, దట్టమైన అడవులు, నీలంగా మెరిసిపోయే నీరు.. ఇలా భారతదేశం విభిన్న లక్షణాల సమ్మేళనం. పర్యాటకంతో పాటే సాహసాలను ఇష్టపడే వారికి కూడా అనువైన గమ్యస్థానాలను భారత్ కలిగి ఉంది. సాహసాలను ఇష్టపడేవారికి, వారి అన్వేషణలో భారతదేశంలోని పలు ఆశ్చర్యకరమైన గమ్యస్థానాలు కనిపిస్తాయి. మరి సాహసాల కోసం పర్యటన ఎక్కడ ప్రారంభించాలో తెలియక మీరు గందరగోళానికి గురవుతుంటే, మీకు మీరే ట్రావెల్ ఏజెంట్‌గా మారి.. వ్యక్తిగతంగా ఆసక్తికరమైన పర్యటనలు చేయవచ్చు. సాహస ప్రియులకు భారతదేశంలోని సెలవు గమ్యస్థానాలు ఎంచుకునేందుకు మా ప్రత్యేక మార్గదర్శిని:
సాహస ప్రేమికులకు భారతదేశంలోని గమ్యస్థానాలు
1. రాజస్థాన్:
సాహస పర్యాటక రంగం కోసం ఈ రాష్ట్రం వేగంగా ఎదుగుతోంది. ఇసుక తిన్నెలు, చిన్న గ్రామాలు, భారీ కోటలు, అందమైన రాజభవనాలు ఇక్కడ ఉన్నాయి. భారతదేశ పర్యటన ప్యాకేజీలలో రాజస్థాన్ ప్రముఖమైనది.
- రాజస్థాన్ వన్యప్రాణిని రణధంబోర్ నేషనల్ పార్కులో అన్వేషించండి. రాయల్ బెంగాల్ టైగర్‌ను చూసేందుకు ఉత్తమమైన ప్రదేశాలలో ఒకటి.
- ఒంటె పై చక్కర్లు కొట్టండి. జైసల్మేర్ వద్ద ఒక ఎడారి సఫారి తీసుకుని ఇసుక దిబ్బల సమీపంలో శిబిరం ఏర్పాటు చేసుకుని ఆనందించండి.
- హాట్ ఎయిర్ బెలూన్ నుంచి బర్డ్స్ ఐ వ్యూ చూసి ఆనందించండి. ఆకాశం నుండి రాజస్థాన్ రంగులు చూడండి.
2. రిషికేష్:
రిషికేశ్ భారతదేశంలోని అగ్రశ్రేణి ప్రదేశాలలో ఒకటి. ఈ అందమైన హిమాలయ పట్టణం నిజమైన సాహసోపేత కార్యకలాపాలను అందిస్తుంది. భారతదేశంలో ఉత్తేజకరమైన సెలవు ప్యాకేజీని ఆనందించడానికి ఉత్తమ గమ్యస్థానాలలో ఒకటి.
- క్లిఫ్ జంపింగ్‌లో అదృష్టం ప్రయత్నించాలని కోరుకుంటున్నారా? రిషికేశ్ భారతదేశంలోని అద్భుతమైన ప్రదేశాలలో ఒకటి. మీలో సాహస ప్రియులకు నచ్చే ప్రాంతం.
- రిషికేష్‌లో మీరు రాఫ్టింగ్ చేస్తున్నప్పుడు.. గంగా నది నీటిలో వేగాన్ని ఆస్వాదించండి.
- మోహన్ చట్టికి వెళ్లి.. నేలపై నుంచి 83 మీటర్ల ఎత్తు నుండి దూకి బంగీ జంపింగ్ థ్రిల్ అనుభూతి చెందండి.
3. బాంధవ్‌గడ్ నేషనల్ పార్క్:
మీకు ఏనుగుపై రైడ్ లేదా పెద్ద అడవి పిల్లిని చూడాలని కోరుకుంటున్నారా? భారతదేశంలో అనేక వన్యప్రాణుల ఉద్యానవనాలు మరియు అభయారణ్యాలలో చేయదగ్గ అద్భుతమైన సాహసాలు ఉన్నాయి. ఇందుకు అనేక ప్రాంతాలు ఉన్నా.. బాంధవ్‌గడ్ నేషనల్ పార్క్ ఈ జాబితాలో అత్యుత్తమంగా నిలుస్తుంది.
- సఫారీతో మీ ప్రయాణాన్ని ప్రారంభించండి మరియు కొన్ని వన్యప్రాణులను గుర్తించండి.
- మీరు అడవి శిబిరంలో ఉండడానికి మీకు అవకాశం లభిస్తుంది.
- ఒక ఏనుగు సఫారీ తీసుకుని ఆనందించండి.
4. లడఖ్ – భారతదేశంలో సెలవుల కోసం సిఫార్సు చేయబడిన ప్రదేశాలలో ఒకటి:
సాహసాలు చేసేందుకు లడఖ్‍కి వెళ్లండి. హిమాచల్ ప్రదేశ్ మరియు ఉత్తరాఖండ్‌లలో అనేక ఇతర ఎత్తైన ప్రాంతాలు ఉన్నా, ఇతర ప్రాంతాల నుండి లడక్‌ను వేరు చేసే పలు అంశాలు ఉన్నాయి. వైవిధ్యాలు, అత్యంత ప్రభావశీలమైన ఆరామాలు, ఎన్నో ఉన్నత అనుభవాలు ఉన్నాయి. భారతీయ సెలవు జాబితాలో లడఖ్ పర్యటన తప్పనిసరి.
- కఠినమైన స్టోక్ కాంగ్రి నుంచి సులభమైన షామ్ లోయ వరకు పలు ట్రెక్కింగ్ అవకాశాలున్నాయి. లడఖ్ ప్రాంతాలను అన్వేషించడాన్ని ఎవరైనా ఇష్టపడాల్సిందే. లడఖ్ మీలోని సాహసోపేత ప్రేమికుని కోసం ప్రత్యేకం
- మౌంటెన్ బైక్ మీద మీ అదృష్టాన్ని పరీక్షించుకుంటూ ఇక్కడి మార్గాల్లో స్వారీ చెయ్యండి. ఎందుకంటే మీరు ఎత్తైన రహదారుల్లో కొన్నింటిని అన్వేషించడం జరుగుతుంది.
- లడఖ్‌లో మీరు రాఫ్టింగ్ చేస్తున్నప్పుడు దట్టమైన లోయ ద్వారా జాన్స్‌కర్ నది ప్రవాహాలను అనుభవించండి.
5. దండేలి:
గోవా నుండి 125 కిలోమీటర్ల దూరంలో ఉన్న దండేలి.. వైవిధ్యత కలిగి ఉండి, సాహస అన్వేషకులను ఆకర్షిస్తుంది. పురాతన దేవాలయాలు, కొండలు, ప్రసిద్ధ కాళి నది వంటి అద్భుతమైన దృశ్యాలు ఈ ప్రాంతంలో ఉన్నాయి. దండేలికి వెళ్ళే ప్రణాళిక మీ టూర్‌లో ఉండాలి. మీలోని సాహసోపేత ప్రేమికుడి కోసం భారతదేశంలో విహారం చేస్తున్నట్లయితే, సిఫార్సు చేయబడిన ప్రదేశాలలో దండేలి ఉండాలి.
- రాపెలింగ్‌తో పాటు, మీరు దండేలి వద్ద కయాకింగ్, ఫిషింగ్, జీప్ సవారీ మరియు పక్షుల సందర్శన కూడా ప్రయత్నించవచ్చు.
- కాళి నదిపై వైట్ వాటర్ రాఫ్టింగ్ మరచిపోలేని అనుభూతి.
- దండేలి వన్యప్రాణుల అభయారణ్యంలో జీప్ సవారీ మరియు వన్యప్రాణుల శిబిరాలకు కేంద్రంగా ఉంది.
6. మనాలి:
మౌంటెన్ బైకింగ్ అనేది భారతదేశంలో అత్యంత ఆసక్తికరమైన మరియు ఉత్సాహపూరితమైన సాహసకృత్యాలలో ఒకటి. దేశంలో బైకింగ్ సాహసయాత్రలను ప్రారంభించడానికి ఉత్తమ గమ్యస్థానంగా ఉన్న మనాలిని ఎవరూ మిస్ చేయలేరు. హిమాలయాల అందాన్ని ఆనందించడానికి మనాలి నుండి అనేక మార్గాలు ఉన్నాయి.
- ఈ సాహస స్వర్గంలో రాఫ్టింగ్, క్యాంపింగ్, పారాగ్లైడింగ్‌లను మిస్ చేయవద్దు.
- శీతాకాలంలో ఇక్కడ స్కీయింగ్ కార్యకలాపాలు చేయవచ్చు.
- హిమాలయాలలో అందమైన పర్వతారోహణ మార్గానికి మనాలి స్థావరం.
7. గోవా:
గోవా అంటే కేవలం సముద్రం, సూర్యుడు, ఇసుక మాత్రమే కాదు. బీచ్‌లు, పార్టీ సంస్కృతికి మించి మరెన్నో ఇక్కడ ఉన్నాయి. ఇది జల క్రీడల ప్రేమికులకు స్వర్గం. జెట్-స్కీయింగ్ మరియు పారాసైలింగ్ అనుభవించడానికి భారతదేశంలో ఉత్తమమైన ప్రదేశం. భారతదేశ పర్యటనలకు గోవా ఒక ప్రసిద్ధ గమ్యస్థానంగా ఉంది.
- గ్రాండ్ ఐల్యాండ్‌ వెళ్లి స్కూబా డైవింగ్ చేసి చేపలు, జలచరాలతో స్నేహం చేయచ్చు.
- ఉత్తర గోవా తీరాలలో వాటర్ స్కీయింగ్ మరియు పారాసైలింగ్ చేయవచ్చు.
- దూధ్‌సాగర్ జలపాతాలకు ట్రెక్కింగ్ చేయడంతో పాటు కొన్ని అద్భుతమైన ప్రాంతాలు సమీపంలో ఉన్నాయి.
8. అండమాన్ దీవులు – భారతదేశంలో సెలవులు కోసం సిఫార్సు చేయబడిన ప్రదేశాలలో ఒకటి:
నీటి సాహస క్రీడలు ప్రయత్నించేందుకు అండమాన్ దీవులు సరైన ప్రదేశం. స్పష్టమైన నీటిలో ప్రవేశించి, పగడపు దిబ్బలు మరియు మనోహరమైన బసాల్ట్ నిర్మాణాలను ఆస్వాదించండి. ఇది మీకు చిరకాలం గుర్తుండిపోయే గమ్యస్థానం.
- గొప్ప స్కూబా డైవింగ్ అనుభవం కోసం బారెన్ దీవులకు వెళ్ళండి.
- అండమాన్ దీవుల్లో మీరు ట్రెక్కింగ్ చేస్తున్నప్పుడు, హరియెట్ ప్రాంతాన్ని అన్వేషించండి.
- స్కూబా డైవింగ్ మీద మీకు ఆసక్తి లేనట్లయితే, సముద్రపు తీరంలో నడక ప్రయత్నించండి.
9. గుల్మార్గ్:
గుల్మార్గ్ భారతదేశంలో శీతాకాలపు సాహసాలకు నిలయం. ఈ ఆసక్తికరమైన పట్టణం సాహస పర్యాటక రంగానికి కేంద్రం.
- స్కీయింగ్, స్నోబోర్డింగ్‌కు తగిన ఏర్పాట్లు ఉన్నాయి.
- స్కీయింగ్, మౌంటెన్ బైకింగ్‌లకు గుల్మార్గ్ చాలా ప్రసిద్ధి.
- గోండోలాలో ఆసియాలోనే అతి పొడవైన కేబుల్ కారు ప్రయాణం అద్భుతంగా ఉంటుంది.
10. మైసూర్:
సాహసంతో మైసూర్‌ను మీరు కలపకపోతే ఏదో వెలితి ఉన్నట్లే. ఈ ప్రదేశం సాహస ప్రేమికులకు ఒక స్వర్గం.
- విమానం నుండి కిందకు దూకి మీ ముఖం మీదకు గాలి ప్రసరించే అనుభూతి పొందాలని కోరుకుంటున్నారా? మీకు స్కైడైవింగ్ చేసే అవకాశాన్ని మైసూర్ అందిస్తుంది.
- నాగర్‌హొళె నేషనల్ పార్క్‌లో మైసూరు వన్యప్రాణిని అన్వేషించవచ్చు.