કેરેલા બેકવોટર્સમાં હાઉસબોટ્સ વિશે તમારે બધું જાણવાની જરૂર છે.

જ્યારે ઈશ્વરના દેશનો ઇશારો થાય છે, ત્યારે ના કહેવી જોઈએ નહિ. કેરળ અસાધારણ કુદરતી સૌંદર્ય માટે જાણીતું છે જે તેની આસપાસ વીંટળાયેલું છે. કેરળમાં સ્થિત બેકવૉટર ના હાઉસબોટ સમગ્ર વિશ્વના હાઉસબોટ થી થોડા અલગ છે જે ઘણા લોકો માટે અદભુત આકર્ષણ છે. આ સુંદર પર્યાવરણ માટે તમે તમારા સફરની યોજના બનાવો તે પહેલાં તમારે કેટલીક માહિતી ખબર રાખવી જરૂરી છે.

કેરલા બેકવોટર્સમાં શા માટે હાઉસબોટ છે?

કેરળમાં બેકવોટર્સ

ભારતમાં સૌથી મોહક રાજ્યો માંથી એક રાજ્ય, સૌથી આકર્ષક સ્થળોના પર્યાવરણ સાથે મેળ ખાય છે. કેરળના બેકવોટર્સ તે જ સાબિત કરે છે. કેરળના બેકવોટર્સ જોડાયેલી નહેરો, નદીઓ, સરોવરોનું નેટવર્ક છે, અને આવા 900 કિલોમીટરથી વધુ જળમાર્ગોનું નિર્માણ કરે છે. આની વચ્ચે અસંખ્ય નગરો અને શહેરો આવેલા છે, જે એમાં અમુક બેકવોટરની શરૂઆત અને અંતના સ્થળ તરીકે સ્થિત છે. બેકવોટર પર્યાવરણનો અનોખો ભાગ એ છે કે નદીઓમાંથી તાજું પાણી અરબી સમુદ્રમાં દરિયાઇ પાણી સાથે ભેગું થાય છે.

દરિયાઈ પાણીમાં મીઠા પાણીના ભળતું રોકવા માટે, કુમારકોમ નજીક વંબનાદ કાયલ જેવા કેટલાક વિસ્તારોમાં બાંધવામાં આવેલા બંધ છે. આ બેકવોટર્સમાં જલીય જીવન સારું છે તેમાં ઘણી માછલીઓ, કરચલાં, દેડકાં, મૂડસ્પીપર્સ, પાણીના પક્ષીઓ જેવા કે ટર્ન, કિંગફિશર, ડાર્ટ્સ અને કોર્મોરન્ટ અને ઓટર્સ અને કાચબા જેવા પ્રાણીઓ રહે છે. કેરળના બેકવોટર શાંતિ, અને કુદરતી સૌંદર્યથી ભરપૂર હોવાનું જાણીતું છે.

કેરળમાં બેકવોટર્સની મુલાકાત લેવાનો શ્રેષ્ઠ સમય

કેરળના બેકવોટર વર્ષના કોઈ પણ સમયે ફરવા માટે આદર્શ છે. આ કારણથી બેકવોટર્સ યાત્રાળુ માટે એક પ્રિય સ્થળ બની જાય છે. જો તમે આ બેકવોટર્સની વધારે શાંતિ ઈચ્છો છો, તો ઑગસ્ટ અને મે વચ્ચેની તમારી સફરની યોજના બનાવો, જેથી તમે ચોમાસામાં ત્યાં ના હોવ અને શાંતિ નો અનુભવ લઈ શકો.

એલ્લેપ્પી બેકવોટર હાઉસબોટના પ્રવાસો

જ્યારે તમે બેકવોટર્સ વિશે વિચારો છો, ત્યારે પ્રથમ નામ જે મનમાં આવે છે એલ્લેપ્પી છે. એલ્લેપ્પી બેકવોટર્સ, જે વેસ્ટ ઓફ ધ ઇસ્ટ તરીકે ઓળખાય છે, અહીં અત્યંત લોકપ્રિય બેકવોટર આવેલા છે. કુદરતી સરોવરો, તળાવો, અને તાજા પાણીની નદીઓથી ભરપૂર, એલ્લેપ્પી બેકવોટર્સનો કેવી રીતે આનંદ લઇ શકાય તે ગૂંચવણભરી સમસ્યાનો સંપૂર્ણ ઉકેલ એક હાઉસબોટ ક્રુઝ હશે! આ સમગ્ર યાત્રાનો શ્રેષ્ઠ ભાગ એ છે કે કેરાલામાં બોટ પર આપવામાં આવતો ખોરાક સ્થાનિક માછલીઓ અને સ્વાદ સાથે હોય છે. અલબત્ત, તમે તેને તમારા સ્વાદ અને રુચિ પ્રમાણે ફેરબદલ કરી શકો છો, પરંતુ રોમમાં જ્યારે હોવ ત્યારે રોમનો ખાય તે રીતે ભોજન કરો! કેરળમાં ફરવા માટે શ્રેષ્ઠ જગ્યામાં એલ્લેપ્પી બેકવોટર્સનો પ્રવાસ છે.

કેરળમાં હાઉસબોટના પ્રકારો

કેરળના હાઉસબોટ્સ પર્યાવરણને અનુકૂળ સામગ્રીથી બનાવવામાં આવે છે અને દિવસની સફર અથવા રાત્રિ રોકાણ માટે ભાડા પર ઉપલબ્ધ છે. તેમાંના મોટા ભાગની બોટ નાળિયેરના પાંદડામાંથી બનાવવામાં આવે છે. જો બાહ્ય સુશોભન કુદરતી સામગ્રીથી બનેલી હોય, તો તેઓ જે સુવિધાઓ પૂરી પાડે છે તે ખૂબ આધુનિક છે, અને આરામદાયક હોટલની જેમ હોય છે!

ભવ્ય વાતાવરણ અને સુખદ ઋતુનો આનંદ માણવા માટે, આ હાઉસબોટ્સ એક સનડેક સાથે સંપૂર્ણપણે સજ્જ શયનખંડ પ્રસ્તુત કરે છે. જો તમને બહારની સુંદરતા નિરાશ કરે તેવી લાગતી હોય, (જોકે, તમને એવું ક્યાંય અનુભવ નહિ થાય) તો ટીવી સાથે અલગ આરામ રૂમ છે,. આ તમામ હાઉસબોટમાં જરૂરી સુરક્ષા ઉપ્લબ્ધ છે અને આ સુરક્ષા કેરળ સરકાર અને પ્રવાસન વિભાગ અનુસાર છે.

કેરળમાં મુખ્ય ત્રણ પ્રકારની હાઉસબોટ છે

સ્ટાન્ડર્ડ હાઉસબોટસ: આ મૂળભૂત બોટ છે જે બોર્ડ પર ફક્ત જરૂરી સુવિધાઓ જ ધરાવે છે.

ડિલક્સ / પ્રીમિયમ હાઉસબૉટ્સ: સ્ટાન્ડર્ડ બોટ ની સરખામણીમાં આમાં થોડી વધુ વૈભવી વસ્તુઓ છે, જેમ કે રાત્રે 10 કલાક માટે એર કન્ડીશનર.

વૈભવી / સુપર ડિલક્સ હાઉસબૉટ્સ: આ હાઉસબૉટ્સ સૌથી સારી સુવિધા ધરાવે છે. આ હાઉસબૉટ્સ માં યુનિફોર્મ વાળા સ્ટાફ સાથે  24 કલાકની એર કન્ડીશનીંગ સેવાઓ મેળવી શકાય છે.

દરેક મનઃસ્થિતિ અને ઉંમરને માટે યોગ્ય, કેરળની આ હાઉસબોટ્સને પ્રકૃતિ પ્રેમ, અને કુદરતી સુંદરતા માણવા માટે જ રચવામાં આવી છે!