దుబాయ్‌లో సందర్శించటానికి ప్రసిద్ధి చెందిన 20 స్థలాలు
ఆకాశాన్ని తాకినట్లుగా కనిపించే భవనాలు, భారీ నిర్మాణాలు గల ఆకర్షణీయమైన నగరం దుబాయ్. లక్షలాది మంది సందర్శకులు ఆరాధించే ఒక అందమైన నగరంగా ఇది. ఇప్పుడు దుబాయ్ ఒక ఎడారి కాదు.. షాపింగ్, సూర్యరశ్మి, వినోదం ఇలా అనేక సరదాల కోసం సందర్శకులు ఇక్కడకు వస్తారు. మొట్టమొదటిసారిగా ఈ ప్రాంతాన్ని సందర్శించే వారి కోసం గ్రాండ్ దుబాయ్ మాల్స్ మరియు ఎత్తైన భవనాలు ఎదురుచూస్తున్నాయి. ఈ నగరంలో కొన్ని ఉత్తమమైన ప్రదేశాలు ఉన్నాయి. వాతవరణం ఆహ్లాదకరంగా ఉండే నవంబర్ నుంచి మార్చ్ కాలం దుబాయ్ సందర్శించడానికి నవంబర్ ఉత్తమ సమయం. దుబాయ్‌లో సందర్శించడానికి 20 ఉత్తమ స్థలాలను అన్వేషించండి.
దుబాయ్‌లో సందర్శించడానికి చక్కనైన ప్రాంతాలు
1. బుర్జ్ ఖలీఫా:
ఇది ప్రపంచంలో ఎత్తైన భవనం. దుబాయ్‌లో అత్యంత ప్రసిద్ధ పర్యాటక ప్రదేశాలలో ఒకటి. 124వ అంతస్తు నుంచి నగరాన్ని పరిశీలిస్తే.. స్కైలైన్ అనుభూతి ఎన్నో మరచిపోలేని అనుభవాలను ఇస్తుంది. రాత్రి సమయంలో, మీరు దుబాయ్ అందాన్ని వెలుగుల కాంతులతో దర్శించవచ్చు.
2. బుర్జ్ అల్ అరబ్:
7 నక్షత్రాల హోటల్ మరియు ప్రపంచంలో అత్యంత ఖరీదైన హోటళ్ళలో ఒకటి. కృత్రిమ ద్వీపం జుమీరా తీరప్రాంతంలో బుర్జ్ అల్ అరబ్‌ను దుబాయ్‌లో సందర్శించాలి.
3. అల్-ఫహిదీ ఫోర్ట్:
ఈ కోట గోడలు సాంప్రదాయ కోరల్-బ్లాక్స్‌తో నిర్మించబడిన, సున్నంతో కలిసి ఉంటాయి. ప్రస్తుతం ఇది దుబాయ్ మ్యూజియం. ప్రవేశ ద్వారం వద్ద దుబాయ్ పాత మ్యాపుల ఆకర్షణీయమైన ప్రదర్శనను కలిగి ఉంది. ఈ ప్రాంతం చమురు డిమాండ్ పెరిగిన తీరును చూపుతుంది. దుబాయ్ ఆకర్షణలలో ఈ మ్యూజియం ఒకటి.
4. జుమేరియా మసీదు:
దుబాయ్‌లో సందర్శించే ఉత్తమమైన ప్రదేశాలలో జుమేరియా మసీదు కూడా ఒకటి. దుబాయ్ హాలిడే ప్యాకేజీలలో తప్పనిసరిగా ఉంటుంది. ఇది దుబాయ్ మసీదుల్లో చాలా అందమైనదిగా పరిగణించబడుతుంది. రెండు మినార్లతో ఉన్న ఈ రాతి నిర్మాణం రాతి పనుల సూక్ష్మ వివరాలను ప్రదర్శిస్తుంది. సాయంత్రం పూట ఫ్లడ్‌లైట్లతో వెలిగించబడి మరింత ఆకర్షణీయంగా ఉంటుంది.
5. పామ్ జుమేరియాలో అట్లాంటిస్ హోటల్:
ఇది అట్లాంటిస్ కోల్పోయిన రాజ్యం యొక్క నేపథ్యం ఆధారంగా అరేబియా అంశాల థీమ్‌తో నిర్మించబడింది. ఈ హోటల్‌లో డాల్ఫిన్ బే, అడ్వెంచర్ వాటర్ పార్క్ మరియు గతకాలపు ఛాంబర్స్ ఉన్నాయి. దుబాయ్‌లో సందర్శకులను ఆకర్షించే ప్రదేశాలలో ఈ అద్భుతమైన నిర్మాణం ఒకటి.
6. సఫారిలో ఇసుక బాష్:
అద్భుతమైన ఇసుక తిన్నెలలో ఒక ఎడారి సఫారీ ఖచ్చితంగా అనుభవించాల్సిన విలువైన సాహసం. దుబాయ్ ఎడారి సఫారికి ప్రయాణీకులలో చాలా ఆదరణ ఉంది. సూర్యాస్తమయానికి ముందు, అందంగా అలంకరించబడిన గుడారాలతో తయారుచేసిన క్యాంప్‌సైట్‌కు మిమ్మల్ని తీసుకువెళతారు. ఇక్కడ మీరు సంప్రదాయ నృత్యాన్ని చూస్తున్నప్పుడు.. చంద్రుని వెలుగులో నక్షత్రాల కింద ఒక బార్బెక్యూ అనుభూతి ఆస్వాదించవచ్చు.
7. శాండీ ఆనందం:
దుబాయ్‌లో సందర్శించడానికి ఉత్తమమైన ప్రదేశాలలో జుమేరియా బీచ్ ఒకటి. హోటళ్ళు, రెస్టారెంట్లతో పర్యాటక స్థలాలలో అత్యంత ప్రజాదరణ పొందింది.
8. మేడ్ ఇన్ మెరీనా:
సముద్ర తీరం వెంట నిర్మించిన కృత్రిమ కాలువ నగరం దుబాయ్ మెరీనా. మెరీనా తీరాన నడక కోసం ఒక పాదచారుల మార్గం ఉంది. అద్భుతమైన రెస్టారెంట్లు, కేఫ్‌లు మరియు వినోద ఎంపికలతో ఎల్లప్పుడూ ఆకట్టుకుంటుంది.
9. మాల్‌లో స్కీయింగ్:
మాల్ ఆఫ్ ఎమిరేట్స్‌లో అద్భుతమైన మరియు కృత్రిమమైన స్కీ దుబాయ్ ఆకట్టుకుంది. చైర్-లిఫ్ట్స్‌ మరియు పెంగ్విన్ ఎన్‌క్లోజర్‌లో స్కీస్లోప్ అద్భుతంగా ఉంటుంది. ల్టిప్లెక్స్ కాంప్లెక్స్ మరియు వినోద కేంద్రం ఉన్నాయి. షాపింగ్ అవకాశాలు అనంతంగా ఉంటాయి. ప్రపంచ స్థాయి వంటకాలు లభిస్తాయి.
10. పామ్ జ్యూమిరా, ప్రపంచంలో అతిపెద్ద మానవ నిర్మిత ద్వీపం:
రెండు కిలోమీటర్ల పొడవుగా పామ్ జ్యుమిరా ఉంటుంది. 17 రెక్కలు చంద్రవంక ఆకారంలో ఉండగా ఒక కిరీటం మాదిరి ఆకారం కలిగి ఉంటుంది. లగ్జరీ విల్లాస్ మరియు అపార్టుమెంట్లు అంతర్జాతీయ ప్రముఖుల స్వంతం. హోటళ్ళు, రిసార్ట్‌లు మరియు నివాసాలతో పెద్ద సంఖ్యలో ఉన్న పామ్ జ్యూమిరా.. దుబాయ్‌లో సందర్శించే ఉత్తమమైన ప్రదేశాలలో ఒకటి.
11. బంగారు నగరం:
ప్రపంచ అతి పెద్ద బంగారం మార్కెట్‌గా దుబాయ్ గోల్డ్ సౌక్‌కు గుర్తింపు ఉంది. ఇక్కడ అనేక డిజైన్లలో ఆభరణాలు లభిస్తాయి.
12. దుబాయ్ మాల్, ప్రపంచంలో అతి పెద్దది:
1200 దుకాణాలు, దుబాయ్ ఫౌంటెన్స్, ప్రపంచంలో అతి పెద్ద అక్వేరియం, నీటి కింద జూ, ఐస్ రింక్, సేగా రిపబ్లిక్‌ ఈ మాల్ సొంతం. ఒక రోజంతా ఇక్కడ గడపవచ్చు!
13. హిస్టారిక్ బస్టాకియా:
ఇది పురాతన శైలి కోరల్ మరియు సున్నపురాయి భవనాలకు నిలయం. అనేక గోడలపై విండ్ టాపర్స్ ఉంటాయి. ఇవి ఎయిర్ కండిషనింగ్ ప్రారంభ రూపాన్ని చూపిస్తాయి. ఇక్కడ ఇళ్ళలోకి గాలి ప్రసరిస్తుంది. ఆయిల్ బూమ్‌నకు ముందరి నగరాన్ని ఈ అందమైన క్వార్టర్ ప్రదర్శిస్తుంది.
14. అద్భుతమైన దుబాయ్ మిరకిల్ గార్డెన్:
ఇది ప్రపంచంలోని అతిపెద్ద పుష్పాల సంకలనమైన సుదీర్ఘమైన పువ్వుల గోడను కలిగి ఉన్న ప్రాంతం. దీనిని గిన్నీస్ బుక్ ఆఫ్ రికార్డులలో చేర్చారు. దుబాయ్‌లో సందర్శించే ఉత్తమమైన ప్రదేశం ఇది.
15. దుబాయ్ డాల్ఫినారియం:
డాల్ఫిన్లు మరియు సీల్స్‌కు నివాసం దుబాయ్ డాల్ఫినారియం. వాటిని మీరు దగ్గరగా చూసే అవకాశం కలిగిస్తుంది.
16. దుబాయ్ జన్మస్థలం:
దుబాయ్ పుట్టిన ప్రాంతం అయిన దుబాయ్ క్రీక్, నగరాన్ని రెండు విభాగాలుగా చేస్తుంది. దేరియ మరియు బర్ దుబాయ్‌గా విభజిస్తుంది. మీరు ఒక రొమాంటిక్ సూర్యాస్తమయాన్ని ధూ క్రూయిజ్ నే కాదు.. యాచింగ్ మరియు సెయిలింగ్ ఇక్కడ చేయవచ్చు.
17. దుబాయ్ వారసత్వం మరియు డైవింగ్ గ్రామాలు:
ఇక్కడ మీరు సంప్రదాయ స్థానిక జీవితం చూడవచ్చు. ఈ హెరిటేజ్ విలేజ్‌లో పాటర్స్, నేయర్స్ మరియు ఇతర కళాకారులు ఉన్నారు. దుబాయ్ ముత్యాల పరిశ్రమ చరిత్రను డైవింగ్ విలేజ్ విశ్లేషిస్తుంది.
18. ది ఆర్ట్ హబ్:
గ్రీన్ ఆర్ట్ గేలరీ, థర్డ్ లైన్, డిజైనర్ బోటిక్స్, పాప్-అప్ రెస్టారెంట్లు, కేఫ్‌లతో సమకాలీన కళా గ్యాలరీలు ఇక్కడ ఉన్నాయి.
19. కైట్ బీచ్:
దుబాయ్ యొక్క ప్రధాన గమ్యస్థానంగా ఈ అందమైన బీచ్ ఉంది. కైట్ సర్ఫింగ్, వాటర్ స్పోర్ట్స్, వాటర్ కైట్ సర్ఫింగ్, ప్యాడిల్ బోర్డింగ్ వంటివి చేయవచ్చు.
20. వైల్డ్ వెట్ ఫన్:
అటవీ ఆనందాల కోసం వైల్డ్ వాడి వాటర్ పార్క్ మీకు తగిన ప్రదేశం. ఈ ఉద్యానవనం‌లో కొలనులు, వాటర్ స్లైడ్స్, ఒక కృత్రిమ జలపాతం, సర్ఫింగ్ మెషీన్స్ ఉన్నాయి.
ఈ నగరంలో అనేక సాంస్కృతిక ముఖ్యాంశాలు ఉన్నాయి. బస్టాకియా జిల్లా చుట్టూ నడక, పురాతనమైన దుబాయ్ క్రీక్‌లో విహారం చేయవచ్చు. ఆ తర్వాత దుబాయ్ క్రూయిజ్ పర్యటన చేయవచ్చు. ఈ నగరంలో మరెన్నో ఆకర్షణీయమైన వాటిని అన్వేషించవచ్చు.
